रौतहटमा छुरा प्रहार गरी एकजनाको हत्या

देश

शनिबार, जेठ ६, २०८०

रौतहट । रौतहटमा छुरा प्रहार गरी एकजनाको हत्या गरिएको छ । गौर नगरपालिका–७ सिसवा गाउँमा गएराति छुरा प्रहार गरी ५० वर्षीय यार महमद खानको हत्या भएको हो ।

जिल्ला प्रहरी कार्यालयका प्रहरी उपरीक्षक वीरबहादुर बुढामगरका अनुसार छिमेकी शेख साविरसित खानको झगडा भएको थियो । सो क्रममा साविरले खानको छातिमा छुरा प्रहार गरेका थिए । गम्भीर घाइते भएका खानलाई राति नै उपचारका लागि प्रादेशिक अस्पताल गौर लगिएको थियो । उनलाई चिकित्सकले मृत घोषणा गरेका थिए ।

गत वर्ष सम्पन्न स्थानीय तह निर्वाचनमा खान आफ्नो वडामा नेकपा (एमाले)का तर्फबाट वडाध्यक्षका उमेदवार बनेका थिए । तर, निर्वाचनमा उनी पराजित भएका थिए । छुरा प्रहारी गर्ने साविर भने फारार छन् । उनको खोजी गरिरहेको प्रहरीले जनाएको छ । रासस