विदेश
मंगोलियामा सात लाख हेक्टर वनमा डढेलो, चार अर्ब ३० करोड क्षति
उलनबटोर । मंगोलियामा चालु वर्षको सुरुदेखि हालसम्म ८९ वटा वन र घाँसे मैदानी क्षेत्रमा आगलागी भएको छ ।
ती डढेलोबाट सात लाख ४८ हजार आठ सय दुई हेक्टर क्षेत्रफल जलेर नष्ट भएको राष्ट्रिय विपद् व्यवस्थापन निकायले जानकारी दिएको छ ।
आगलागीका कारण करिब चार अर्ब ३० करोड मंगोलियाली मुद्रा बराबरको क्षति पुगेको सो निकायले जनाएको छ ।
प्राकृतिक डढेलो हुने प्रमुख कारणमा सर्वसाधारणले आगोको लापरवाहीपूर्ण प्रयोग गर्नु तथा घाँस तथा फोहोर जलाउनेजस्ता काम रहेको विज्ञहरूले बताएका छन् ।
सुक्खा र हुरीयुक्त मौसमका कारण वसन्त ऋतुमा मंगोलियाको अधिकांश भागमा एक्कासि डढेलो लाग्ने सम्भावना बढी रहेको जनाउँदै, सो निकायले आम जनतालाई डढेलो रोकथाममा सजग रहन आह्वान गरेको छ ।रासस/सिन्ह्वा
प्रकाशित मिति: मंगलबार, जेठ ६, २०८२ १०:१७
प्रतिक्रिया दिनुहोस्
सम्बन्धित समाचार
सिफारिस
प्रवास
कार्टुन
भिडियो
-1747106471.jpg)
विचार
अन्तर्वार्ता
-1745727458.jpg)
ब्लग
-1718633678.jpg)
