काठमाडौं । पछिल्लो २४ घण्टामा पूर्वी नेपालका केही स्थानमा वर्षा भएको छ । कोसी र मधेस प्रदेशका केही स्थानमा हल्का वर्षा भएको हो ।
सबैभन्दा धेरै वर्षा सप्तरीमा भएको छ । “पछिल्लो २४ घण्टामा सबैभन्दा धेरै वर्षा सप्तरीमा ३६ मिलिमिटर भएको छ,” मौसमविद् सञ्जीव अधिकारीले भने, “मोरङको बाहुनीमा ८ मिलिमिटर वर्षा भएको छ ।”
यसबाहेक पूर्वी नेपालका केही स्थानमा १० मिलिमिटरसम्म वर्षा भएको उनले जानकारी दिए ।
“सामान्य प्रणालीको प्रभावले वर्षा भएको हो । ठूलो वर्षा भएको छैन र तत्काल हुने पनि देखिँदैन,” उनले प्रष्ट पारे, “अहिले कतै पनि वर्षा भएको छैन ।”
केही भूभागमा चट्याङसहित हल्का वर्षाको सम्भावना भने रहेको उनको भनाइ छ ।
जल तथा मौसम विज्ञान विभागको वेबसाइटमा केही समस्या देखिएको उनले प्रष्ट पारे । “वेबसाइटमा केही इरर देखिएको छ । बनाउने प्रयास भइरहेको छ,” उनले भने ।
-1747106471.jpg)
-1745727458.jpg)
-1718633678.jpg)
