देश
पहिरोले वीपी राजमार्ग अवरुद्ध
काठमाडौं । पहिरोका कारण वीपी राजमार्ग र मध्यपहाडी लोकमार्ग अवरुद्ध भएको छ । गएरातिदेखिको पानीका कारण पहिरो जाँदा राजमार्ग अवरुद्ध भएको हो ।
“दुई ठाउँमा पहिरोले राजमार्ग अवरुद्ध भएको छ । पहिरो हटाउने काम भइरहेको छ,” जिल्ला प्रहरी कार्यालय सिन्धुलीका डीएसपी अनिलकुमार खड्काले बाह्रखरीसँग भने ।
सुनकोसी गाउँपालिका–२ कमिरेफाडमा पहिरो जाँदा वीपी राजमार्ग अवरुद्ध भएको हाे । गोलन्जोर गाउँपालिका–६ अक्करेभिरमा पहिरो जाँदा मध्यपहाडी लोकमार्ग अवरुद्ध भएको हो ।
सडक अवरुद्ध हुँदा सयौँ सवारीसाधन तथा यात्रु अलपत्र परेका छन् ।
पहिरोले दुईतर्फी सडक अवरुद्ध भएको छ । पहिरोमा फसेका सवारीसाधनलाई निकालेर सुरक्षित स्थानमा राखिएको डीएसपी खड्काले जानकारी दिए ।
प्रकाशित मिति: शनिबार, असार २२, २०८१ ०८:२०
प्रतिक्रिया दिनुहोस्
सम्बन्धित समाचार
सिफारिस
प्रवास
कार्टुन
भिडियो
-1747106471.jpg)
विचार
अन्तर्वार्ता
-1745727458.jpg)
ब्लग
-1718633678.jpg)
