काठमाडौं । दक्षिण एसियामा आफ्नो उपस्थिति मजबुत बनाउने रणनीतिअन्तर्गत, स्टेलान्टिसले नेपालमा आफ्नो दोस्रो डिलरसिप सञ्चालनमा ल्याएको छ । 

यो डिलरसिप गोल्छा अर्गनाइजेसनअन्तर्गतको सहायक कम्पनी सांग्रिला मोटर्स प्रालिद्वारा सञ्चालित हुनेछ । नयाँ प्रिमियम सोरुम काठमाडौंको उत्तरढोकामा अवस्थित छ, जहाँ सिट्रोएन, लिपमोटर र प्युजो ब्रान्डका गाडीहरू एउटै छानामुनि उपलब्ध हुनेछन्, जसले ग्राहकहरूलाई उत्कृष्ट र सहज अनुभव प्रदान गर्ने कम्पनीले जनाएको छ । 

डिलरसिपको औपचारिक उद्घाटन समारोहमा स्टेलान्टिस इन्डियाका प्रमुख कार्यकारी अधिकृत तथा प्रबन्धक निर्देशक शैलेश हजेला, सांग्र्रिला मोटर्सका प्रबन्धक निर्देशक हेमन्त गोल्छा र नेपालस्थित फ्रान्सकी राजदूत भर्जिनी कोर्तेवालको उपस्थितिमा सम्पन्न भयो ।

उद्घाटन समारोहमा स्टेलान्टिस इन्डियाका प्रमुख कार्यकारी शैलेश हजेलाले भने, “नेपाल हाम्रो अपरेसनको रणनीतिक बजार हो । हामी सांग्र्रिला मोटर्ससँगको सहकार्यमा नेपाली ग्राहकहरूलाई विश्वस्तरीय मोबिलिटी समाधान प्रदान गर्न पाउँदा निकै उत्साहित छौँ । यो नयाँ सोरुममार्फत स्टेलान्टिसले नयाँ पुस्ताका विद्युतीय सवारीसाधनसहित नवीनतम प्रविधि र विश्वप्रसिद्ध ब्रान्डहरू नेपाली बजारमा प्रस्तुत गर्ने प्रतिबद्धता दोहोर्‍याएको छ ।” 

सांग्र्रिला मोटर्सका प्रबन्धक निर्देशक हेमन्त गोल्छाले भने, “यो नयाँ सोरुम हामीले उत्कृष्ट ग्राहक अनुभवमा केन्द्रित गर्दै गरेको लगनशील प्रयासको निरन्तरता हो । सिट्रोएन, लिपमोटर र प्युजो एकै स्थानमा उपलब्ध गराएर हामी नेपाली ग्राहकका लागि प्रिमियम मोबिलिटी समाधानको एकमात्र गन्तव्य बन्नेछौँ भन्ने विश्वास लिएका छौँ । यस विस्तारले ग्राहकको विश्वास र ब्रान्डप्रतिको प्राथमिकता झनै मजबुत बनाउनेछ ।”