काठमाडौं । कुलिङ पिरियड दुई वर्ष राख्न सरकारले प्रस्ताव गरेको छ । दुई वर्षभन्दा लामो समय कुलिङ पिरियड राख्दा जनशक्तिको अभाव हुनसक्ने सरकारको राय छ ।
गृहमन्त्री रमेश लेखकले राज्यव्यवस्था समितिको आजको बैठकमा यस्तो प्रस्ताव गरेका हुन् ।
“कुलिङ पिरियड पिरियड दुई वर्ष गरौँ । दुई वर्षभन्दा बढाउनु हुँदैन, जनशक्तिको अभाव हुनसक्छ,” गृहमन्त्री लेखकले भने, “यो सरकारको निर्णय होइन, समितिलाई निर्णयमा पुग्न सहज होस् भनेर सरकारको तर्फबाट सुझाव मात्र हो ।”
दुई वर्षको समयमा सेवा निवृत्त भएको कर्मचारीले आवश्यक अध्ययन तथा अनुसन्धान गरेर आफू जान चाहेको संस्थाबारे पर्याप्त ज्ञान लिनसक्ने उनको भनाइ छ ।
यो विषयमा पनि सहमति गरेर अगाडि बढ्नुपर्ने उनले बताए ।
कर्मचारीसँग किन बिच्किए सांसद ? ‘कुलिङ पिरियड’ मा ‘सफ्ट’ हुँदैछ एमाले !
औसत आयु बढेको र अन्तर्राष्ट्रिय अभ्यासलाई अध्ययन गरेर सेवा अवधि दुई वर्ष बढाउन सकिने उनले बताए ।
-1747106471.jpg)
-1745727458.jpg)
-1718633678.jpg)
