काठमाडौं । प्रधानन्यायाधीश प्रकाशमान सिंह राउतले न्यायापरिषद्को बैठक डाकेका छन् । साँझ ५ बजेका लागि डाकिएको बैठकले रिक्त न्यायाधीश पदको नियुक्ति सिफारिस गर्नसक्ने आंकलन गरिएको छ ।
गत असोज २० गते प्रधानन्यायाधीशमा राउत आएपछि न्यायाधीशको नियुक्ति सिफारिस भएको छैन । त्यो समयदेखि नै सर्वोच्चमा चार न्यायाधीश पद रिक्त छन् ।
न्यायपरिषद्का एक अधिकारीका अनुसार उच्च अदालतमा चार मुख्य र २२ न्यायाधीशको पद रिक्त छन् ।
जिल्ला अदालतमा ६ न्यायाधीश पद रिक्त छन् । न्यायपरिषद्का एक सदस्यका अनुसार बैठक बोलाए पनि न्यायाधीशको नियुक्ति सिफारिस हुने/नहुने भने निश्चित छैन ।
“हामी न्यायपरिषद्को बैठक बसिरहेकै छौँ,” ती सदस्यले बाह्रखरीसँग भने, “यसअघि उजुरीसहितका विषयमा काम भएको छ । आजको बैठकमा अन्य विषयमै छलफल हुन्छ वा नियुक्ति सिफारिसको विषय आउँछ त्यो बैठक सुरु भएपछि मात्र थाहा हुन्छ ।”
-1747106471.jpg)
-1745727458.jpg)
-1718633678.jpg)
