नेप्से ३.९३ अंकले बढ्यो, १४९ कम्पनीको सेयर मूल्य वृद्धि, ९० को घट्यो

अर्थ व्यवसाय

सोमबार, जेठ १४, २०८१

नेप्से ३.९३ अंकले बढ्यो, १४९ कम्पनीको सेयर मूल्य वृद्धि, ९० को घट्यो

काठमाडौं । साताको दोस्रो कारोबार दिन सोमबार नेप्से ३.९३ अंकले बढेको छ । नेप्से परिसूचक ०.१८ प्रतिशतले बढेर २११३.२७ विन्दुमा बन्द भएको हो ।

१४९ कम्पनीको सेयर मूल्य बढेको छ । ९० कम्पनीको सेयर मूल्य घटेको छ । आठ कम्पनीको सेयर मूल्य स्थिर रहेको नेपाल स्टक एक्सचेन्जले जनाएको छ ।

यस दिन तीन अर्ब ८९ करोड ३७ लाख रुपैयाँको सेयर कारोबार भएको छ । आइतबार (हिजो) चार अर्ब ४४ करोड १५ लाख रुपैयाँको सेयर कारोबार भएको थियो ।

मुक्तिनाथ कृषि कम्पनी र नेपाल वेयरहाउजिङ कम्पनीको सेयर मूल्य १० प्रतिशतले वृद्धि भएको छ ।

कारोबारमा आएका १३ समूहगत परिसूचकमध्ये बैंकिङ, होटेल तथा पर्यटन र निर्जीवन बिमा समूहको परिसूचक घटेको छ । बाँकी १० समूहको परिसूचक बढेको छ । सर्वाधिक परिसूचक वृद्धि हुनेमा लगानी समूह छ । यो समूहको परिसूचक १.८० प्रतिशतले बढेको छ ।