site stats
बाह्रखरी :: Baahrakhari
राजनीति
भूतपूर्व गोरखा सैनिकका जायज माग बेलायती सरकारले सम्बोधन गर्नुपर्छ : परराष्ट्रमन्त्री
तस्बिर : प्रदीपराज वन्त/रासस ।

काठमाडौं । परराष्ट्रमन्त्री नारायणप्रकाश साउदले भूतपूर्व गोरखा सैनिकका जायज माग बेलायती सरकारले सम्बोधन गर्नुपर्ने बताएका छन् । आइतबार बसेको प्रतिनिधिसभाअन्तर्गतको अन्तर्राष्ट्रिय सम्बन्ध र पर्यटन समितिको बैठकमा उनले यस्तो बताएका हुन् ।

नेपाल र बेलायत सरकारबीच गएको फेब्रुअरी २१ मा प्राविधिक समितिको बैठकमा गोरखा सैनिकका माग सम्बोधन गर्न केही प्रगति भएको उनले उल्लेख गरे । तर, समान पेन्सनलगायत मुख्य माग सम्बोधन हुन बाँकी रहेको उनले जानकारी गराए ।

समितिको अर्को बैठक यही मार्च २७ मा लन्डनमा हुने र त्यहाँ पनि आफूले भूतपूर्व गोरखा सैनिकका मागका विषय उठाउने उनले बताए । नेपालले ब्रिटिस गोरखाका मुद्दा प्राथमिकताका साथ उठाउने गरेको उनको भनाइ छ । –न्युज एजेन्सी नेपाल

प्रकाशित मिति: आइतबार, फागुन २०, २०८०  १५:५३
प्रतिक्रिया दिनुहोस्