काठमाडौं । काठमाडौं उपत्यकामा आज बिहानैबाट वर्षा भइरहेको छ । काठमाडौं उपत्यकाका काठमाडौं, ललितपुर र भक्तपुरमा बिहानैबाट वर्षा भइरहेको हो ।
जल तथा मौसम विज्ञान विभागका अनुसार आज दिनभर काठमाडौंमा पानी पर्ने र रोकिने क्रम जारी रहनेछ । अर्थात् काठमाडौंको मौसममा आज दिनभर बदली हुनेछ । काठमाडौंमा भारी वर्षाको पनि सम्भावना रहेको छ । केही स्थानमा भने भारी वर्षा भइसकेको विभागले बताएको छ ।
सातवटै प्रदेशमा बिहानैदेखि वर्षा, वाग्मतिसहित पाँचवटामा दिउँसो र राति धेरै भारी वर्षाको सम्भावना
ललितपुरमा बिहानै भारी वर्षा भएको र अहिले पनि उपत्यकाका केही स्थानमा भारी वर्षा भइरहेको विभागले जानकारी दिएको छ । काठमाडौंमा पछिल्लो २४ घण्टामा ८६.६ मिलिमिटर वर्षा भएको छ । पछिल्लो ६ घण्टामा ललितपुरमा ६६ मिलिमिटर वर्षा मापन गरिएको विभागले बताएको छ ।
काठमाडौंमा भने केही कम वर्षा मापन भएको छ । बबरमहलको वर्षा मापन केन्द्रमा ६ मिलिमिटर वर्षा मापन भएको विभागले जानकारी दियो ।
-1747106471.jpg)
-1745727458.jpg)
-1718633678.jpg)
