सबै नागरिकलाई बिमामा समेट्नेदेखि गरिबी शून्यमा झार्नेसम्मको लक्ष्य

देश

१० वर्षे स्वास्थ्य वित्त रणनीति पास

शुक्रबार, असार १, २०८०

सबै नागरिकलाई बिमामा समेट्नेदेखि गरिबी शून्यमा झार्नेसम्मको लक्ष्य

काठमाडौं । सरकारले स्वास्थ्य वित्त रणनीति २०८०–९० पास गरेको छ ।

गत जेठ २८ गतेको मन्त्रिपरिषद् बैठकले पास गरेको रणनीति पास गरेको हो। रणनीतिमा १० वर्षभित्र शतप्रतिशत नागरिकलाई स्वास्थ्य बिमा कार्यक्रममा समेट्नेदेखि उपचारका क्रममा हुने गरिबी शून्यमा झार्नेसम्मका लक्ष्य समेटिएका छन् ।

सो रणनीति स्वास्थ्य तथा जनसंख्या मन्त्रालयले ६ महिना अगाडि तयार पारेको थियो । रणनीतिले आगामी १० वर्षभित्रमा जनताको स्वास्थ्यमा हुने खर्चका कारण हुने गरिबीलाई शून्यमा झार्ने लक्ष्य लिएको छ । यो दर अहिले १.९९ प्रतिशत छ ।

त्यस्तै तीनै तहका बजेटमा कुल बजेटको १० प्रतिशत स्वास्थ्यमा छुट्याइने, अत्यावश्यक स्वास्थ्य सेवामा सर्वव्यापी पहुँच शतप्रतिशत पुर्‍याउनेजस्ता महत्वपूर्ण लक्ष्य रणनीतिले लिएको छ ।

हेरौँ रणनीतिको पूर्णपाठ