राजनीति
कोसी प्रदेशसभा बैठक स्थगित गर्न कांग्रेसको माग
विराटनगर । कोसी प्रदेशसभा बैठक स्थगित गर्न नेपाली कांग्रेस संसदीय दलले माग गरेको छ ।
संसदीय दलको छलफलपछि सभामुख अम्बरबहादुर विष्टसमक्ष आइतबारको बैठक स्थगित गर्न माग गरिएको कांग्रेस संसदीय दलका प्रमुख सचेतक गोपाल तामाङले जानकारी दिए ।
“कोसीमा प्रदेश सरकार गठनको विवाद सर्वोच्च अदालतबाट सुनुवाइ भई फैसला हुन बाँकी रहेकोले बैठक आज नगर्न आग्रह गरेका हौँ,” तामाङले भने । कांग्रेसले लिखित पत्र दिएर बैठक स्थगित गर्न आग्रह गर्ने उनले बताए ।
यसअघि गत वैशाख ३१ गते बसेको बैठक कांग्रेसले बहिष्कार गरेको थियो । पूर्ववर्ती मुख्यमन्त्री केदार कार्कीले विश्वासको मत नलिएको भन्दै प्रदेश प्रमुखले हिक्मत कार्कीको नेतृत्वमा सरकार गठन गरेपछि कोसीमा विवाद चुलिएको छ ।
प्रकाशित मिति: आइतबार, जेठ १३, २०८१ ११:४८
प्रतिक्रिया दिनुहोस्
सम्बन्धित समाचार
सिफारिस
प्रवास
कार्टुन
भिडियो
-1747106471.jpg)
विचार
अन्तर्वार्ता
-1745727458.jpg)
ब्लग
