site stats
बाह्रखरी :: Baahrakhari
देश
मदरसाका प्रधानाध्यापकसहित दुईजनाविरुद्ध भ्रष्टाचार मुद्दा

काठमाडौं । अख्तियार दुरुपयोग अनुसन्धान आयोगले बाँकेको नरैनापुर गाउँपालिका–२ स्थित मदरसा दारुल उलूम अमजदिया बरकातियाका प्रधानाध्यापक र विद्यालय व्यवस्थापन समितिका अध्यक्षविरुद्ध भ्रष्टाचार मुद्दा दायर गरेको छ ।

प्रधानाध्यापक कलिम अहमद जोलाह र विद्यालय व्यवस्थापन समितिका अध्यक्ष बदरुददुजा खाँ विरुद्ध सार्वजनिक सम्पत्ति हानी नोक्सानी गरी भ्रष्टाचार गरेको आरोपमा अख्तियारले सोमबार विशेष अदालत काठमाडौंमा मुद्दा दायर गरेको हो ।

उनीहरूबाट अख्तियारले १८ लाख तीनहजार ७४१ रुपैयाँ बिगो दाबी गरेको छ । 

जिल्ला शिक्षा कार्यालय बाँकेबाट निकासा भएको रकम सम्बन्धित शीर्षकमा खर्च नगरी हिनामिना गरेको उजुरी परेपछि अख्तियारले अनुसन्धान गरेको थियो । 

अनुसन्धानका क्रममा १८ लाख तीन हजार ७४१ रुपैयाँ सम्बन्धित शीर्षकमा खर्च नगरी आफूखुसी खर्च गरेको पाइएको अख्तियारले जनाएको छ ।

प्रकाशित मिति: सोमबार, पुस १६, २०८०  १७:२७
प्रतिक्रिया दिनुहोस्