काठमाडौं । तीन तहमा समायोजित स्वास्थ्यका कर्मचारीको समस्या समाधानका लागि आठ पेसागत संगठनले ६ बुँदे सुझाव पेस गरेका छन् । स्वास्थ्य तथा जनसंख्यामन्त्री मोहनबहादुर बस्नेतलाई भेटेर ती संगठनले कर्मचारी व्यवस्थापनका लागि ६ बुँदे सुझाव दिएका हुन् ।
संयुक्त सुझाव पत्रमा मन्त्रालयले समायोजन मिलान भएका कर्मचारीलाई सम्बन्धित स्थानीय तहमा कामकाज गर्ने वातावरण मिलाउनुपर्ने, गुनासो निवेदनको अन्तिम टुंगो लगाउनुपर्ने जस्ता बुँदा समेटिएको छ । अन्तरपालिका सरुवाको जिम्मा प्रदेशलाई दिनुपर्ने, कामकाज र कामकाज फिर्ता सम्बन्धी निर्णय सबै तहहरूमा समान हुनुपर्नेजस्ता विषय पनि समेटिएको छ ।
मूल समायोजन गर्दा संघ, पुल, फाजिल भनेर समायोजनको पत्र दिइएका कर्मचारीलाई संघीय स्वास्थ्य तथा जनसंख्या मन्त्रालयमा एकमुष्ठ दरबन्दी सिर्जना गरी कामकाजमा खटाउन पनि सुझाव दिइएको छ ।
-1747106471.jpg)
-1745727458.jpg)
