देश
भूकम्पबाट संखुवासभाकाे एक घरमा क्षति
संखुवासभा । चीनको सिजाङ स्वशासित क्षेत्रको दिंगी काउन्टी केन्द्र भएर आज बिहान ६ बजेर ५० मिनेटमा गएको ६ दशमलव ८ म्याग्निच्युडको भूकम्पका कारण संखुवावासभाको भोटखोला गाउँपालिका–१ किमाथांकामा एउटा घर भत्किएको छ ।
भूकम्पबाट स्थानीय तेन्छेवी शेर्पाको घरमा क्षति पुगेको संखुवासभाका प्रमुख जिल्ला अधिकारी विनोदकुमार खड्काले जानकारी दिए । जस्तापाताले छाएको शेर्पाको दुईतले ढुंगाको घरमा चिरा परेको उनले बताए ।
शेर्पाको घरमा सातजनाको परिवार बस्दै आएको थियो । उनीहरू भने सकुशल रहेका छन् ।
भूकम्पबाट जिल्लामा मानवीय क्षति भने नभएको प्रजिअ खड्काले बताए । क्षतिको विवरण संकलन गर्न स्थानीय तहका कर्मचारी, नेपाल प्रहरी र सशस्त्र प्रहरी बल खटिएको छ । रासस
प्रकाशित मिति: मंगलबार, पुस २३, २०८१ १४:१२
प्रतिक्रिया दिनुहोस्
सम्बन्धित समाचार
सिफारिस
प्रवास
कार्टुन
भिडियो
-1747106471.jpg)
विचार
अन्तर्वार्ता
-1745727458.jpg)
ब्लग
-1718633678.jpg)
