काठमाडौं । काठमाडौं महानगरपालिकाले बाँसबारीस्थित अरूण चौधरीसहित चौधरी ग्रुपको नाममा रहेको १० रोपनी जग्गा खाली गर्न निर्देशन दिएको छ ।
नगर प्रहरीले उक्त जग्गामा रहेको चाँदवाग स्कुलको सबै संरचना हटाएर खाली गर्न निर्देशनसहित सोमबार माइकिङ गरेको हो ।
चप्पल कारखानाको सरकारी जग्गा चौधरी ग्रुपले हडपेको भन्दै अनुसन्धान भएको थियो । प्रहरीको केन्द्रीय अनुसन्धान ब्युरो (सीआईबी)ले अरूण चौधरीलाई पक्राउसमेत गरेको थियो । सोही जग्गा सरकारले फिर्ता ल्याएसँगै जग्गा खाली गर्न निर्देशन दिएको हो ।
नगर प्रहरी प्रमुख एसपी राजु पाण्डेले आगामी सोमबारभित्र सरकारी जग्गामा भएको सबै संरचना खाली गर्न निर्देशन दिएको जानकारी दिए ।
उनले भने, "हामीले यसअघि नै सोमबारसम्म खाली गर्न जानकारी गराइसकेका छौँ । सोमबारसम्म खाली नभए ताला लगाउछौँ । सरकारी जग्गामा एक मिनेटसमेत बस्ने सुविधा अरूलाई हुँदैन ।"
-1747823900.jpg)
-1718627827.jpg)
-1747106471.jpg)
-1745727458.jpg)
-1718633678.jpg)
