काठमाडौं । बंगलादेशको प्रधानमन्त्रीबाट राजीनामा दिएकी शेख हसिनाका छोरा सजीव वाजेद जोयले आफ्नी आमाका लागि कुनै राजनीतिक पुनरागमनको सम्भावना नरहेको बताएका छन् ।
बीबीसीसँगको कुराकानीका क्रममा उनले आफ्नो आमाले हिजो (आइतबार)देखि नै राजीनामाको तयारी गरेको पनि बताएका छन् ।
उनी हसिनाले राजीनामा दिनुअघिसम्म प्रधानमन्त्रीका सल्लाहकार थिए । हसिना परिवारकै आग्रहमा आफ्नो सुरक्षाका लागि देश छोडेको उनको भनाइ छ ।
उनले आफ्नो आमाले बंगलादेशका लागि धेरै काम गरेको पनि दाबी गरे । "उहाँ पहिलोपटक सत्तामा आएका बेला बंगलादेशलाई असफल राज्य मानिन्थ्यो, गरिब देश थियो । अहिले बंगलादेशलाई एसियाको उदाउँदो बाघका रूपमा चिनिन्छ," उनले भने ।
उनले हसिना सरकार प्रदर्शनकारीहरूमाथि कडारूपमा प्रस्तुत भएको आरोपको पनि खण्डन गरे ।
दुई महिना लामो प्रदर्शनका क्रममा सयौँले ज्यान गुमाएका छन् ।
-1747106471.jpg)
-1745727458.jpg)
-1718633678.jpg)
