काठमाडौं । उच्च अदालतमा आजदेखि पेसी तारिख अटोमेसनको अभ्यास पूर्णरूपमा सुरु भएको छ ।
सर्वोच्च अदालतका प्रधानन्यायाधीश विश्वम्भरप्रसाद श्रेष्ठले आज उच्च अदालत पाटनमा उद्घाटन गरेका हुन् ।
अटोमेसनमा पेसी तारिखको पहिलो सेवा होमबहादुर श्रेष्ठले लिएका छन् । अबदेखि उच्च अदालत र इजलासहरूमा अटोमेसनको अभ्यास पूर्णरूपमा गरिने बताइएको छ ।
अब दर्ता भएका मुद्दामा सफ्टवयेरमा दर्ता भएपछि अटोमेटिक रूपमा मुद्दाको पालो आउने मिति अर्थात पेसी पाउनेछन् ।
सर्वोच्चबाट पाइलट प्रोजेक्टका रूपमा अभ्यास थालिएको पेसी तारिख अटोमेसन चार महिनाको अभ्यासपछि उच्चमा गरिएको हो ।
सर्वोच्च अदालतमा गत भदौ ११ गतेदेखि पेसी तारिख अटोमेसनमा तोक्ने अभ्यास सुरु भएको थियो । प्रधानन्यायाधीश नियुक्त भएको केही दिनमै विश्वम्भरप्रसाद श्रेष्ठले पेसी तारिख अटोमेसनमा तोक्ने प्रविधिको आरम्भ गरेका थिए ।
-1716985933.jpg)
-1747106471.jpg)
-1745727458.jpg)
